玫瑰街列女圖

其實都有數位同學在澳門工作，Miss Sit 一聽我把聲就大叫：「喂你點L樣呀衣家！？」

她帶我去28蚊餐廳，叫了一桌的食物，係咁講好狠大聲咁講。

我告訴她我平安夜去唱k我唱k時很投入的，「梗係要拉咪㗎嘛。」Miss Sit說。呢位Miss Sit係好唱得之人。Miss Sit和小玉棍都好唱得的。

（咁黃小貓同學兩口米同學全部都唱得。咁，天主教女校，朝朝唱聖詩，係一種訓練來的。）（我有時都唱得，但我不穩定。哈哈哈，係高中低音都不穩定。）（你知道就唱歌來說，什麼是穩定嗎？氣定神閒。）（唱歌，係用氣的。）

談起感情事，我告訴她我上一鑊的癲喪，Miss Sit說：「超，我都好癲......不過係女人都有可能癲。」

話題談到我失眠的問題，Miss Sit說：「你怕失眠然後皮膚差，是因為你覺得無咗衣家個樣你會冇咁多人鐘意。老友，問心你係咪先？」中學同學真係好。

Miss Sit 是個才藝豐富的女子，她畫畫了得唱歌了得。上台做戲，都得。Miss Sit 做過我寫的戲，她扮一隻熊。那是白雪公主的故事，不過不是童話，而是一個偵探故事。

白雪公主、皇后、小矮人，還有熊仁，一場有人死亡的戲。台下的觀眾（同學和老師）可以一起估兇手。這是什麼課外活動呀？

這是當年玫瑰街的課外活動。

我有幸我的中學時代，身處在一群都有 drive 去 self actualize 自己的女子中間。