😵💫
嗚⋯我而家見到呢啲，就即刻諗起個廠係點樣搭，同埋啲燈要點樣打先可以打到咁樣嘅感覺。
職業病職業病！我就嚟癲呀。
星期六, 12月 10, 2022
FB朋友出少了post，大家也累了。
中大個款，似係有個黨委書記坐左入嚟咁樣。
想當年同負責處理交換生的小姐幾好朋友，我返香港後小姐亦時不時請我食飯。
有一次（離曬大譜）在何文田街的西餐廳食晚飯，她告訴我大學要交換生人數翻一倍。
讀BBA的我自然想到喂去一個月都叫交換生囉。
果然。
BBA其實唔係一個好學科，我好記得上Stat，個教授教我哋點樣遊走在實數同百份比之間。我覺得依啲嘢有乜智慧可言，根本就係旁門左道。
不過亦有許敬文教授般的好老師。
🥱我發覺FB朋友出少了post，大家也累了。
星期五, 12月 09, 2022
星期四, 12月 08, 2022
拍攝🎬剪影：唔好成日諗嘢，個樣都唔好諗嘢咁嘅樣。
《拍攝🎬剪影》
地點：LKF Disco ，超級嘈吵的音樂加上鹹蛋超人死光槍一樣的七彩射燈，射到我盲盲地。
助導A：「等會兒導演嗌Action你就由這兒行往那邊。」
我：「ok」
（導演嗌Action）
（我行）
（導演嗌Cut)
(我行返原位）
我：「吖，我行嘅時候個感覺有啲怪怪地，好似我係一個向平行時空嘅人，同現埸其他人冇關係咁⋯」
助導A：「冇問題呀你梗係向平行時空啦，因為你飲醉咗呀嘛。」
我：「errrr，咁你又講得啱喎。我OK。」
助導B：「嗱你拎著隻香檳杯，你就會上身架啦，一定做得到。」
（導演嗌Action）
（我拎著隻香檳杯行）
（導演嗌Cut)
⋯都係覺得odd呀😅
唔好成日諗嘢，個樣都唔好諗嘢咁嘅樣。😭
冇時間諗喇，要拍下一個shot喇。😅
「突如其來的假期。」
🎭
拍戲的人，往往比普通人更出口成文。
電視台員工中Covid，全部劇組停工。
一位同事把status改成「突如其來的假期。」
我同呢位同事講佢句status，不單出口成文，句本身：「突如其來的假期。」，已經好有戲。
Idea 💡 ：女朋友由於「突如其來的假期。」提前完成出差之旅早咗返屋企，結果捉姦在床。
Idea 💡 ：45歲金融才俊，由於港股跌到仆街，佢亦都俾人炒咗。由金融才俊份僱傭合約有non compete clause，公司放佢半年Garden Leave。Garden Leave 半年人工照出，但金融才俊不能做第二份工作。呢個極之「突如其來」的假期，金融才俊跟着電影「沿路山旮旯」的劇情走遍香港各個角落，居然俾佢識咗個靚女，搞到自己好似變咗電影續集咁。
Idea 💡 ：深閨怨婦知道老公一直出軌，她於是一方面買重佢老公人壽保險，一方面暗地裡透過買通老公秘書，為老公及其婚外情女朋友安排一次峇里島蜜月旅程。並設下遠程殺人計劃。
一切就緒，誰知出發當天峇里島酒店卻宣佈由於酒店員工中COVID，所以要閉館一個月。
老公想：「突如其來的假期沒有了。」
老婆想：「突如其來的假期？我買通的人和為我執行殺人行動的人員，可不理會，佢哋啲錢，我點樣都要俾。」係呀，老婆又要比殺手錢，又殺唔死老公冇保險賠償金，成件事好黑色幽默。
星期四, 7月 28, 2022
星期二, 6月 14, 2022
In Love with a Workaholic
第一次和蕭公子在 weekdays 連續幾天在一起。😕😕😕😕😕 三晚冇訓😊。因為佢工作至凌晨四點。過左我訓覺時間我就訓唔到。
都知道佢拎野返黎做而唔係留向公司都有陪伴我的意思。但 #媽呀我好亂呀, 究竟是寧願佢係公司定係佢係身邊工作我卻變成了透明人呢？
不過皇上始總是皇上，奴婢堅持沖咖啡俾皇上飲用。
「今日杯咖啡唔係好好飲，」皇上批評。
我這個奴婢只好擺出一副好委屈的樣子。
星期一, 5月 30, 2022
男士風度
為什麼我對華仁的出品情有獨鍾？因為他們都聰明機智，而且情操高尚，有風度，保護女子。
在 WeWork 打乒乓波。蕭公子開波姿勢好架勢，我是不懂得打乒乓波一因為手掌大小一是以迎戰得很用力。
工作了多個小時我肚餓了，臨別揪波，我們重返乒乓球桌。蕭公子示意我站在沙發那一邊，而他則君臨天下，站在玻璃窗前。
「點解呀？」我之前站窗前。
「你打曬出界，我執波執到呢，我企窗前個波可彈範圍比較 restricted ⋯⋯」像法官裁定案件一樣，鐡青口面。
我不作聲。
「好啦好啦，我企沙發果邊我執波囉。」
最後還是鍚住我。
晚餐後又要 walk me home。我婉轉地說：「今天這麼熱，你都係快啲返 Landmark 罷，我一個人回家 no problem 。」
和他相處還有一個特點，每次吃飯吃到尾聲，桌子上各菜盤上一定留著最後一件、最後一囗，大家客氣地禮讓。
相敬如賓。
星期一, 1月 10, 2022
開放與尊嚴
個多月前有個中年男人見我不開心，把我擁在懷裡，欲吻下來。我別轉了臉。他放開我，說：「這些事情很平常呀，就算你留我過夜，也很平常呀。」
這幾天忽然回想此事，我反思起來。對，很平常，接吻和做愛是很平常的事。平常的意思有兩個層次：這些事我會做；這些事每天很多人在做。
但是否因為這些事我會做，這些事每天很多人在做，便成為你去說服我，或我去說服自己的理由呢？明顯不是的。
明顯我不是性女，也做不成性女。我不能夠單單貪圖那肉體的歡樂，何況，嘿嘿，肉體的歡樂也不容易得到，為所欲為，非世間男子皆有之能力。
我明明不是性女，何必勉強自己？身體是我自己的，我希望我可以話事。不能對自己身體話事時，便是失去尊嚴。所以我覺得痛得死去活來，瘋癲人前的末期癌症病人沒有專嚴，所以我覺得妓女在嫖客前沒有尊嚴。
所以開始思考自己作為一個女子，如何看兩性關係，如何看性。
��模......我想問，那些��模的經理人在想什麼？他們正在靠年輕女子的身體搵飯食呀。女孩子的身體，開了一個個抽屜，任食任拎，就像 Dali 這幅畫。
星期四, 1月 06, 2022
我把詩歌寫在沙灘上，然後抹去，只讓海知道。我把蕾絲穿在家居𥚃，等你來到......
那夜凌晨我穿上到 Lobster Bar 的蕾莎長裙，明明在家，卻穿上了 Manolo 的水鑚緞子晚裝鞋。
我把詩歌寫在沙灘上，然後抹去，只讓海知道。
我把蕾絲穿在家居𥚃，等你來到，只讓你鑒賞。
訂閱：
文章 (Atom)