星期二, 6月 30, 2015

出差深夜好讀黃碧雲


這次赴趿上海我帶了黃碧雲的《末日酒店》。在辦公室從九時工作到晚上九時,離開辦公室要把心情也帶離開。閱讀,是get a life的好活動。睡前讀黃碧雲,是一種精神的休息但同時亦是靈魂的修練。深夜好讀黃碧雲。

盲約五大盲點

(傳貼)

香港女多男少又科技發達,online dating乃勢之所趨。一般人對此有所誤解,認為網上情緣虛偽又危險,但其實只要冷靜分析profile及訊息內容,不難窺見對方為人係點;首先避開下列五類無謂人,在網上世界尋覓真命天子絕對有可能。

1. 散餐王
後生又靚仔,profile得體兼浪漫,現實生活冇另一半仲要上網覓真愛真係幾可疑。搭上他之前,建議你跪求靚女友人照片一用,開多個account主動聯絡他,通常你會收到同一個冧女message。這類寫多隻字都嫌煩的男人,擺明冇誠意冇諗過搵真愛,唔怕copy & paste最怕鑽唔入你裙底。

2. 癡情哥
受過情傷的男人,以為上網搵個新女友就可以忘記過去,點知當你跟他傾到開始有feel時,卻忽然不再回覆你的message,因為跟另一個女人調情勾起了他的傷心回憶,甚至令他發現自己原來仍深愛前度,重新展開一段關係實在有心無力。

3. 苦悶男
好多人因為現實生活苦悶,上網見合眼緣的便留言示好,結果不是被拒絕便是找不到投契對象。經歷多次失敗後,不願再花時間深入認識你,一開始只簡單留言幾隻字,若你回覆就索性問你拎direct contact,這類男人重量不重質,只想搵個人拍下拖,未必知道自己所需,試愛一輪最後咪因了解而分手囉!

4. 自戀王
如果你見到他至少貼上三張chok到爆或晒腹肌的profile相,而他表明同志免問的話,好可能他就係高度自戀一族。這類男人眼中只有自己,女人對他來說只係強化自尊的工具。他不排除主動同你調情,內容一般圍繞你的bra size,甚至急不及待呈獻視像真人騷。自戀的他,上網只為得到別人的關注及讚美,而非覓真愛,更不會戀上你。

5. 挑剔叔
與其話:無論幾多歲的男人都鍾意青春少艾,不如話:冇自信的阿叔阿伯都鍾意借助後生女以令自己感覺年輕,重拾朝氣。這類男士一般年過五十、已離婚或婚姻不如意,交友要求多多,只限18-25歲的女性、唔煙唔酒、未婚冇仔女;不會視自己為契爺,更不會送你小禮物或請食飯,錢未必係問題,最大原因係他不想用物質來換取愛,他想你需要他,分一點青春給他而已。

Related Posts Plugin for WordPress, Blogger...