星期三, 12月 20, 2023

アムロ行きます

 



話劇前輩麥秋先生曾經對我說:「舞台劇和電影很不同。舞台劇是你把所有東西一一直接且全部傳遞給觀眾,而電影則是你做完戲但你不知道最終傳遞給觀眾了些什麼,因為電影有鏡頭同剪片。」


我當時「哦哦哦」回應而其實我沒有太多的感覺。好野,依家我躝咗去拍戲,拍電視劇拍電影拍廣告,我終於知道那一種無奈嘅感覺。


這個星期拍了兩個不同的戲,片場多了很多人說我熟口熟面,常常在螢幕見到我。我納悶到極點,冇喎冇喎。


其他人覺得我熟口熟面冇咩問題,但是如果導演副導演PA覺得我熟口熟面,是幾大檸樂。


1)電影安排我走位,企好曬啦Roll機,導演或副導演或PA叫我走開,因為我熟口熟面。😭我係向鏡頭前面行來行去但end up 我一個鏡頭都冇拍喎。


2)捱了一年我終於有得講對白,這是一部電視劇。我18/12為這個演出機會搞到3am仲係到casting。揀咗我啦我都開心,昨天專心背稿又自己同自己做一下角色分析。今日20/12埋位……導演加戲要我做一些幾bold的表情。做完後導演將我嘅對白比咗另一個演員…丫我背左好耐…..😭


唔緊要…我會繼續努力。アムロ行きます💪🏻。

片場二三事

 





點解有人坐向地鐵個地板?

.

.

.

.

.

.

因為呢張係劇照。


做電影的所有人都係痴線既,早出晚歸捱更抵夜體力勞動個腦更加要動。


拍攝現場通常很折磨意志力,例如法庭戲。搭咗個法庭廠景出嚟,為咗畫面靚現場特技組不斷製造煙霧。埋左位roll左機,我突然間想咳,咁我梗係唔可以咳啦,結果忍咳忍得好辛苦。


心中冇火根本捱唔到。.

因為呢張係劇照。


做電影的所有人都係痴線既,早出晚歸捱更抵夜體力勞動個腦更加要動。


拍攝現場通常很折磨意志力,例如法庭戲。搭咗個法庭廠景出嚟,為咗畫面靚現場特技組不斷製造煙霧。埋左位roll左機,我突然間想咳,咁我梗係唔可以咳啦,結果忍咳忍得好辛苦。


心中冇火根本捱唔到。



星期二, 12月 19, 2023

生仔

 《生仔》


之前分享了台灣女生的一篇關於生小朋友的文章,心痕手痕亦來寫一點。


人生之中有兩個時刻非常之想生小朋友,一個是十八歲那年,另一個時刻就是曼妙的三十歲。


十八歲想生仔,純粹浪漫。不,我不是為了愛情的浪漫,而是在不設實際地幻想自己三十六歲時可以漂漂亮亮走在高大英俊的兒子身傍,引起世人猜測究竟我是什麼身份。


三十歲則是 natural call,避唔到,甚至做實際行動,甚至plan the worst就係當種,做單身媽媽。


人生是不會一百巴仙能夠規劃,荷爾蒙呢家野係強大過個腦。

星期一, 12月 18, 2023

海洋公園醒,好好嘢。海洋公園勁,係好「近」(請用周星馳《功夫足球》唱腔及咬字)

 





Although I have tapped into the movie industry, there has always been a place in my heart for the Banking and Financial fields. It is because I was nourished by my ex-employers, for instance, HSBC and Anbang, that I am curated with such DNA.

So this analysis by @Bittermelon #黃苦瓜 #瓜瓜大師 made my day! 

瓜瓜大師好波!


星期日, 12月 17, 2023

歡迎加入我演員身份的Facebook Group




歡迎加入 Actress Sonia 的 Facebook Group 

醫學院臨床考試

 


關於我去拍戲呢回事,我的所有醫生都覺得好疑惑。他們甚至懷疑我痴咗線向到妄想。


於是,我告訴他們我有個 job,係扮patient 俾啲醫科生做clinical exams…立刻,即刻,醫生們大笑起來,相信我了。


參與Clinical Exams是很開心的事情,我看見這些醫學生會感到很欣慰。這種欣慰的心情,見幾多個BBA MBA學生也不會有。


希望中大和港大醫學院撐住。特別希望段校長撐住,中大崇基書院撐住。

星期二, 12月 12, 2023

洗澡回憶

 


2016 Dec


頭暈了一星期,蕭公子講微創腦部手術搞到我發惡夢。但是今次沖完 45 度熱水澡又好些。


很懷念日本的風呂。住寮的時候我們這些國際生的浴室是沐浴。有兩晚浴室維修,便過隔壁日本生的浴室洗澡,浸在風呂十五分鐘,整個人熱到暈暈地趴趴回房間睡覺,睡得深而且甜。


第一次浸溫泉是鬼怒川溫泉。在十九歲的俄羅斯同學身旁我係都係正,但自己真係細粒,居然怕醜,浸了小小一回兒便離開。小時候真係保守。


最愛當然是城崎溫泉。晚飯後在溫泉舒展四肢是人生最高享受之一。許多時候會有日本婆婆帶小朋友一起,我便和她們拍水玩耍。溫泉浸畢先飲一瓶牛乳,再在商店街吃一杯牛乳軟雪糕,正正正正正。


溫泉美食自然是非常美味,碰上吃和牛的日子簡直是舌頭都要吞埋入口。晚飯豐盛,早飯亦不諻多讓。和式早餐一向非常豐盛,此飽足感覺影響了以後的我的飲食習慣。上班的日子我一定要吃早餐,不開心的時候我又會到文華吃個中式早餐為自己打氣。


在香港沒有溫泉又沒有浴缸的日子便用香噴噴的沖涼液和 lotion 撘夠。市場競爭激烈,平價貨亦不乏好選擇。薰衣草香氣的確能鎮定神經,舒緩不適。


西藥吃多了身體狀況不佳,不用看中醫都知道自己既濕又虛。天天從惡夢中驚醒嚇得一身冷汗不是濕虛是什麼呢?大玉兄之前叫我去天后看神醫,但係點煲中藥呢?


額,明天要去看西醫研究一下頭暈肚痛問題。


額,抽濕機又抽滿一公斤水⋯

My Eyelashes

 



Actress + Beauty + Business sponsorship.


I always aim to be a beautiful woman. Now I am trapped in the women's bathrooms in all locations where and when they are making movies, I cannot help but seduce the mirrors to perform due diligence over my face.


Luckily I have Michelle. She has been my eyelash extension beauty consultant since 2012. 


I visited her shop for services but actress is a heavy and last minute job. Sometimes I am exhausted. Since then Michelle has come to my home to deliver her never-failing work. 


Today I showed her my new home at Soho and  Michelle treated me to a delicious breakfast downstairs. 


The food was excellent and my heartiest thanks to Michelle. We have over 10 years of business relationship now. Wow. 

星期一, 12月 11, 2023

香港電影最新通告

 



機會嚟啦飛雲!


很多朋友以為做臨時演員就係扮屍體⋯⋯唔係既,臨時演員的工作包羅萬有。


不過今次有啦,有殯儀館場境啦!


 1️⃣電影《判》

日期: 12月12,13日 急急急急急急

時間: 1815/1845 PM

地點: 坑口

角色: 地鐵乘客

*可連戲可唔連戲*

*如半夜收會車出旺角,但地鐵已開嘅時間會車去最近嘅地鐵站*


2️⃣ 電影《Okuribito》

日期: 1月6,7日

時間: 預早班

地點: 大埔

角色: 喃嘸師傅(22-65歲)


3️⃣電影《判》

日期: 12月15,16,17,18日

時間: 預0730 AM

地點: 坑口

角色: 地鐵乘客

*可連戲可唔連戲*


4️⃣電影《Okuribito》

日期: 12月18日

時間: 早班

地點: 九龍城

角色: 殯儀產業職員/工人(18-55歲)


5️⃣電影《Okuribito》

日期: 12月21日

時間: 大夜班

地點: 紅磡

角色: 殯儀產業職員/工人(18-55歲)


6️⃣電影《Okuribito》

日期: 1月3日

時間: 早班

地點: 大埔

角色: 喪禮男家屬(16-55歲)


7️⃣電影《Okuribito》

日期: 1月5日

時間: 早班

地點: 大埔

角色: 喪禮家屬(16-55歲)


有興趣可以留言報名。



星期四, 11月 23, 2023

初戀時的情侶裝

https://drive.google.com/uc?export=view&id=1WaPBRnrze8xHesDuMAVhMX7EtT-QIQTd
在阿媽屋企過夜,返出這件在日本讀書時買的睡衣。小丑先翻譯有一件,這是我們的情侶裝。

謝謝小丑🤡先生給予的初戀。 
#初戀
#情侶睡衣
#愛在深秋
#loveislove #puppylove #lovingyou #younglovers #firstlove  #instralove 

星期日, 10月 22, 2023

分手不生分

 




跟住鴨鴨去覓食,幸福了三年的我與你分手💔


分手💔沒有太大的情緒,亦仍然如常相見。


如果我老母又judge我,我今次會話比老母知,鴨鴨對我的照顧,超越了一般丈夫對妻子的程度。


我每一任的男朋友全部出色,全部駕馭到我。


和鴨鴨一起三年,是360的相濡以沫。我會穿鴨鴨的衫,接收鴨鴨舊電話,陰道炎鴨鴨幫我買西西藥,把supplements分給我吃幫我舒緩血糖高低不穩帶來的各種不適。如果冇鴨鴨,我可能已經死咗。


咁水乳交容的相處,我肯定世間少見。


亦多謝鴨鴨,肉痛但仍然富養我,令我有舒適的日常生活。


所以我仍然心情愉快,亦神推鬼擁,比我發現一條通道,令我日後有可能可以成為醫院手術室服務病人的一份子。


未來觸手可見,做演員做手術室助理做商業顧問。今次就算懸樑刺股我都要讀好個課程,考個靚試。仆街要回到青春期做個優秀學生!


戀愛腦冇咗,我決定要講金。哼,我要穿ChanelVan Cleef腳踏Roger Vivier 


要做的事情那麼多,明天要執筆寫入學文件,又有個劇本要背,同埋仆街呀我生日呀。


放心,鴨鴨仍然會陪伴着我。睇吓下一個桃花又幾時黎。


1. 好多菜的沙律,我又唔係兔仔,食到個口好鞋


2. 牛扒,法國果著,嘛,點解個黑松露汁冇黑松露味嘅呢?


3. 飲杯可樂,點解唔俾片檸檬落去呀?


😎


星期三, 10月 18, 2023

輕鬆雨點,沾濕了身






作詞:黃凱芹     作曲:黃凱芹 編:盧東尼




傷感的戀人

風中雨點 沾濕了身 長夜已降臨 延續了苦困
不知道原因 只想再等 然後你飄至 仍帶來傷感
擠熄了煙 滿腦疑問 顫抖中親吻 凝望你轉身
不追究原因 慨歎緣份 然後你飄遠 投入誰的心

冷風一般的你 沒法讓我親近
I'll love you more than anyone 熱暖像你的心
那可以封鎖你 願你待我認真
I'll love you more than anyone 就算夜裡風吹凜凜



風中雨點 沾濕了身 長夜已降臨 延續了苦困
不知道原因 只想再等 然後你飄至 仍帶來傷感
擠熄了煙 滿腦疑問 顫抖中親吻 凝望你轉身
不追究原因 慨歎緣份 然後你飄遠 投入誰的心

冷風一般的你 沒法讓我親近
I'll love you more than anyone 熱暖像你的心
那可以封鎖你 願你待我認真
I'll love you more than anyone 就算夜裡風吹凜凜

冷風一般的你 沒法讓我親近
I'll love you more than anyone 熱暖像你的心
那可以封鎖你 願你待我認真
I'll love you more than anyone 就算夜裡風吹凜凜



星期二, 10月 17, 2023

生命是沒有意義的。不過焗住上咗車,洗鬼濕咗嘅頭


中學老師在Facebook 分享生命的意義。中學時能夠上Mr. Lai Ying Pun的心理學課堂,那種自由討論,雙向的教學相長的氣氛,增加我中六中七時代過每一天的意義。

一個女孩子有幾多個十七十八歲?

一個,不過就算沒有花時間在讀書,時間也會過。讀了書,學到的知識於死亡時「我」也是帶來不走。世人常說死亡時帶不走財富,唯物主義,不過好說死亡也帶不走唯心的東西,例如「意義」、價值,和知識。

又不要以為寫下文字,創造的知識能超越死亡。冇架,死左就死左,寫下文字,創造的知識能否流芳萬世其實在於受眾。

生命是沒有意義的。不過焗住上咗車,洗鬼濕咗嘅頭,咁怕悶咪睇吓車外車內風景囉,唔介意又可以向車到張大口睡覺。

至於洗濕左個頭,冇問題嘅,自己拎風筒吹乾又得,唔理佢任佢自己俾風吹乾又得,得咗。

星期六, 10月 14, 2023

港股一日一日死去一點

 

小小大力呢篇寫得好好。


其實港交所有過上進的時候,依家唔見咗人嘅蔡東豪當年都講過其實港交所嘅收入來源係Trading而唔係IPO 。


所以港交所要做嘅係搞旺個埸。股票交易所搞旺個場都離不開維持市場公平公正公開。


不過李小家鬼倒行逆施,一味向紅色資本靠攏,David Webb身體唔好影響力不及從前,咪搞鬼到香港咁樣囉。


正一仆街嚟嘅,香港居然比台灣爬頭,有冇搞撚錯?香港人花咗幾多時間讀英文,香港花咗幾多時間同埋心機建立一個可以用英語暢通無阻嘅氛圍,香港人用咗幾多代去明白廉潔功德秩序,並且以此為核心價值之一。


今日見到有獵頭寫文話而家金融界鍾意請內地專才多過本地人才,其實唔係香港人唔夠所謂嘅內地專才叻,相反係香港人有底線有思考能力有腰骨會發聲。


所以何止股票市場系列幣驅逐良幣, 連人力市場都係呀仆街。


我好耐之前話過,如果李嘉誠先生過世,以及又或者匯豐銀行撤出香港,咁香港就會死咗㗎啦。


星期二, 9月 12, 2023

數碼港被數碼式撕票

哼哼,估唔到數碼式撕票就發生在數碼港,仲要全世界有目共睹。


有言論指出若有歐盟公民在此事件中涉及私隱外洩,可能掀起一場國際仲裁官司,咁數碼港便仆街了。*


傻豬豬嚟既,若然有此事發生,數碼港只需要執咗間公司,扮曬遣散僱員,然後擰轉頭開過另一間公司去續命咪得囉。^


不過如果係將件事拍成電影,咁 * 應該比 ^ 更有機,因為 * 比 ^ 煽情,又中晒香港人鍾意睇法庭戲果甫癮。不過遺憾地現實世界邊有咁爽歪歪的事情呢,嘿嘿。

星期一, 9月 11, 2023

成為我愛演的一個我, 其實未算太坎坷

 




《成為我愛演的一個我,

其實未算太坎坷》


在七十樓的時候,有一年的基金會Annual Party,由於當時我最年輕,所以被周小姐捉咗上台,考我急才。


為潘蘇通先生打工時,臨近中秋節,成個集團包括中國工廠同事開秋茗,有人問我這個主席助理要不要上台唱歌跳舞,我直頭話唔去。


係呀,果時未賣廠;


係呀,我細個唔識諗,其實公司會安排娛樂圈數一數二嘅公司去教我唱歌同跳舞,我蝕左。


到HSBC,有一次搞唱K,結果除咗老闆們,冇人肯唱。結果我啲老闆叫我去唱……原來大家都認定我係好交際。


不過實情係我好潛。中學時代的學生領袖角色係appointment,不像學生會社會等要「參選」。大學時更加潛,而且去咗日本一年,結果我現在都冇大學時識落既中大朋友。


離開HSBC 幫吳總打工,好了,這次活動是在北京舉行的「春晚」。由於辦公室政治的原因,就是明天就「春晚」,今日才通知我。結果我冇著晚禮服冇人梳頭化妝之下飛到北京,好好野又有人想推我上台唱歌🎤,唔好咁啦我都著左大露背長裙啦喎。


⋯⋯咁,後來是香港同事夠義氣,我哋一條心一起上台唱左首《紅日》😅。突如其來手忙腳亂到sound team 技術人員都未ready。


命運的安排卻滴水不漏,現在的我居然走咗去拍戲。可能係我之前誤會左自己,我只是不喜歡交際,但還是有表演慾。


我書寫這篇文章,你就知道我是何等喜樂表演。正所謂「成為我愛演的一個我,其實未算太坎坷。」👈🏻識唱一齊唱。

星期五, 9月 01, 2023

《職業病》


 《職業病》


開始拍電視劇拍電影後,每一次看電視劇看電影,都會自然睇到啲technical 野。每一分鐘的戲,台前幕後嘅工作可能真係要十個鐘。


😭職業病非常嚴重,連看個MV都在聯想到有幾多個鏡頭,攝影要走幾多條路軌,打幾多枝燈,啲衫有冇啱返個年代……


老老實實,心中冇團火嘅話真係堅持唔到。

星期四, 8月 31, 2023

牛奶冰室

 





超級好味又抵食的茶餐廳。


1. 蒸肉餅:一上碟已經令人驚艷,完全是以前爸爸作品模様,那個熟油加豉油,那個工整的圓形,那無添加的口感和味道!


2. 鮮湯湯飯:味道鮮甜,不過芥菜不好消化;


3. 士多啤梨🍓加牛奶凍飲:鴨鴨話似麥當勞新地⋯⋯


#香港美食 #香港茶餐廳 #hongkongfood #instrafood #hongkongcuisine

星期二, 8月 29, 2023

中國歷史最淫亂的朝代

 

中國歷史最淫亂的朝代


五代十國,魏晉南北朝……我呆呆的想:「額,搞乜春我好似有讀中史但原全唔記得。😳真係年紀大了,以前我有攝影機記憶,乜都記得。我係咪要開始學打麻雀……」

By the way,呢個 YouTube Channel 幾好睇,知識層面廣闊博學,啲公仔又畫得好抵死啜核。

咁香港人,未必個個鍾意奶,但啜係另一回事囉😎。



Cosplay filming for TVB Drama

 


其實呢,我之前冇玩過 Cosplay 。
我既第一次就咁俾咗 #TVB。😁


星期日, 8月 27, 2023

《買衫與拍戲》




《買衫與拍戲》


去年剛入行真係咩都唔識,咩都唔知掟。首先出現的問題是服裝。


友人係IT人,不過佢用 Common Sense 叫我千祈唔好揹 Chanel 手袋去拍戲,我果時仲諗咁我揹 Longchamp 囉。


然後到衣服,因為入行時係秋天,咁我就著 Vintage Nina Ricci Moschino, 又或者著 Burberry 外套去拍。


拍左五張通告之後,我知道了片場尤如地盤,工作期間會整爛啲衫,咁真係冇理由著名牌去拍戲。


於是我開始在淘寶搵啲價格唔超過五十元人民幣的西裝外套,又或者針織。


你估下我買咗幾多呢啲衫?

.

.

.

.

.

燈燈燈燈,係六十幾件。


然後我拍新希望醫療廣告,條片出咗街後,我發現雖然件針織好靚,但不上鏡,仲影到自己好肥。


真係著西裝外套比較上鏡。


到去ViuTV做強尼節目嘅嘉賓,我當時著咗件Moschino西裝外套,上咗鏡係好啲。


然後我諗起自己的 Chanel Tweed 外套,我先至覺得蝕桌,做嘉賓拍廠境電視節目,坐定定,點解我唔著得再靚啲?收埋啲Chanel 托咩。


🤷🏻‍♀️


星期二, 8月 22, 2023

韓國電影Concrete Utopia《烏托邦浩𨚫》與災難片


Concrete Utopia


👀 Why this is on Linkedin?

🤩 Making movies being a business.

🥳 Now I am one of it.



韓國電影Concrete Utopia,香港譯名《烏托邦浩𨚫》,導演眼高手低,災難片的災難鏡頭亦沒有睇頭,我差點睡着了。


朋友評論劇本失敗在於想說很多高深的enablers,不過我卻認為電影🎬述說的都是非常正常的思維。


一群civilised的人受難,面對需要make collective decisions,選舉代表又或者領袖是很自然的事,就像小學生都會選班長,中學生會有領袖生一様。所謂嘅烏托邦其實就係一個講理性講集體利益的世界。這是一種形而上哲學。


套電影唔好睇,因為基本功全部唔掂。劇本的推進很出戲,唔夠development。


女主角一反柔弱姿態,爆入李秉憲間屋繼而搵到屍體而糾集眾人質疑李秉憲不是local,反而卻是他自己口口聲聲要對付嘅敵人,即是「外來者」。


不過一來個劇本用曱甴來形容那些外來者,香港觀眾多多少少會有啲分心,二來經過剪接,李秉憲究竟搞乜鬼既心路歷程,抱歉真的不清晰。阿朋友自己腦補故事然後想點醒我,呵呵畫面呈現不到,就是呈現不到啦,沒有必要為導演強行辯護。


全套電影基本上沒有很大的災難感覺,覺得畫面呈現嘅,只係一個一個嘅廢墟。


為什麼表達不出災難感覺呢?因為導演冇比演員去同地震冧樓冇水冇糧食火災自己人VS外來人……等等場景產生足夠的衝突以及張力。戲劇是關於衝突,電影更加是有衝突之餘,再要求張力。


張力是什麼?即係《一代宗師》梁朝偉到金樓去,準備同章子怡打之前的冇對白的一段戲。演員唔洗講野,但觀眾已經感覺到「一觸即發」,伴隨一種凝重的壓力,呢個時候觀眾的身體語言是眼神專注和身體向前傾。


John Wick 4最後決鬥嗰幕響巴黎聖母院。雖則有人覺得情節堆砌,不過我卻認為選景非常恰當,如果唔係大家點會見到John Wick俾打到跌鬼左落去,觀眾自己先心頭一暗大叫不妙。


那邊廂Concrete Utopia連美術指導都一殼眼淚。大佬,一個一個全是深深淺淺灰色嘅鏡頭,都唔使加紅色,你只要加返一點點橙色,每一幕每一個鏡,影像便會豐富有層次了很多。


我跟朋友說讓我們等一等劉德華,他有一部災難片已經拍完將會上演。我從今年二月開始拍到五月,唔勤力嘅我都拍咗五組戲。


其中一組係拍超級市場搶購食物,個拍攝係好黐線,連導演對住個play back都話「嘩,都好瘋狂喎。」


咁係真係好瘋狂㗎,最搞笑係take one前會「㴝一個試既」。呢個「試既」take 0拍咗後,道具叔叔們個個喊咁口。鬼咩佢地要「還原靚靚拳」,咁一間超級市場,經過搶購之後,啲貨俾人拎走晒又掉亂晒,道具叔叔要好快好快咁還原,係咪執Q死呢。


另外一個非常辛苦嘅一組拍攝,我們扮演受影響的災民,排隊搭政府安排的旅遊巴離開現場疏散。劇組把無數咁多牛角風扇開到最大力,然後再將已經燒成灰嘅報紙灰燼經過牛角扇向我們吹過來,吹到我哋一身都係,我波瀾壯闊嘅事業線亦「攝」咗唔少灰燼。真係波瀾壯闊到呢……


嘩,我好肯定呢個鏡頭響電影播放嘅時候會比觀眾一個非常之災難嘅感覺。大家到時一齊睇劉德華的這一齣電影,認下有冇我啦。🎬🎭🥰🙌

星期三, 8月 16, 2023

病去如抽絲

不知道是那碗隔夜麥皮,還是止痛藥。


忍不住嘔吐了。


血糖數值幾靚仔,不知是身體好了,還是天氣太熱。





星期二, 6月 27, 2023

期貨牛牛


「期貨牛牛」


今日之後,高海寧就會通過為期三個月的試用期,正正式式成為投資銀行GS的員工。GS是環球金融的行業龍頭。


高海寧踏入IFC的升降機,她仰望着升降機門上的樓層顯示燈。顯示燈的閃燈彷似在對著高海寧在眨眼,高海寧笑了。


確實是應該滿意地笑。GS是國際首屈一指的投資銀行,每年只會在香港請一個咁大把的見習金融分析師。


香港中文大學工商管理學士畢業的高海寧,在大學畢業時GS沒有給予offer。高海寧並不氣餒,她進入了一間中資投資銀行,並且找到自己的niche,就是做期貨。


五年過去了,因為在香港投資銀行界,專注做期貨交易的分析員不多,所以高海寧已經是行內頗有名氣的財經顧問。


又靚女又叻女,高海寧最近兩年不斷收到Headhunters的電話,邀請她去其他投資銀行又或基金公司洽談合作。高海寧都一律敬謝,因為GS才是她的目標。


半年前機會終於來了,GS透過獵頭公司接觸高海寧。經過三輪面試後,GS給出一個Senior Vice President, Commodity ,的offer


高海寧立刻向在職的中資銀行提出離職申請。中資銀行也十分熟悉行情,打聽到原來是GS要聘請高海寧 ,銀行Head of HR 便要高海寧即時辭職離開公司辦公室,因為中資銀行害怕高海寧會把客戶資料及交易數據帶走。


高海寧知道這是行規之一,便乖乖地離開公司。至於放在公司的個人雜物如水杯等,高海寧也知道公司會處理及安排快遞公司把雜物送到她的家。


公司有三個月離職通知期,高海寧在和GSoffer時,GS自動提出三個月的代通知金由GS承擔,GS希望高海寧儘快上任。


不過中資銀行可不是吃素的,中資銀行給高海寧三個月Garden Leave,務求阻止高海寧即時過檔,並且爭取時間訓練其他同事或另外聘請高明去繼續高海寧在中資銀行的工作。


「咁就大家一齊等。」


現在,高海寧已經坐完Garden Leave,再過埋試用期。所以,今天的高海寧真的躊躇滿志。


升降機門打開了,「咯咯咯咯咯」,高海寧雖然穿了一身阿曼尼的黑色西裝西褲,不過她腳上卻是一雙艷紅的Roger Vivier 三寸高跟鞋。


高海寧走著會議室,把iPad接上會議室的投影屏。15分鐘之後,高海寧將要在GS的五位Executive Directors面前,介紹一個嶄新的投資項目。


這個項目,就是牛肉期貨。


而接下來的故事,便是高海寧如何在GS打一埸辦公室政治的硬仗,及她主理牛肉和其他商品期貨的生意。


這是一個開心的電視劇集:正經並按實例而創作的財金故事,卻因為有時事實比戲劇更戲劇化而帶來笑聲。


這也是一個令事業女性會有共嗚的劇本:在一步一步爬上企業頂層的成功感,背後亦有無數的淚水。例如,專注事業,感情生活就一塌糊塗了。