七十租樓快槍手

談情說愛我愛扭扭擰擰，但做生意我一定快人快語。我最怕拖泥帶水的人。斬釘截鐵公告我的底線，並肉帛相見地告訴對方我知道我的單位在市場上供過於求，巧遇勤力準租客，做足搜集資料，明白我這樣好白相單位開價略低市價的租盤千載難逢。見了一次面通了三次電話，便拍板落實成交。

「個客做咩架？」律師問。我當然已經不經意地盤問了對方工作家庭背境以及獨居原因，答案一一奉上。「你話佢咩公司話？」「XYZ。做企業融資的。」律師大驚：「XYZ我公司客黎架。拿拿拿，成單刁你出面搞掂佢，我唔會浦頭的。」

哦。

轉頭律師又問：「你俾佢四月先起租，咁我地間屋等於半個月冇創造收入喎。」我冷靜地說：「省下的 agency fee 夠貼嗰喎。」哼。「咩呀係咪唔讚我呀我行事咁迅速！」「你叻。」轉移視線，「呀份租約寫長d定短d好呢？」