星期四, 1月 29, 2009

置業



四年,才袛不過是四年前,靚女律師叫我儲蓄買房子,不然我年老時怎辦?當時二十多歲的我詫異地表示我還年輕,而且在我該置業的年紀,我應該已經結了婚......

現眼報,我已決定本年置業。09年,良 機勿失啊。

於是,我扭著爸爸要他給開測計師樓的K叔叔捎個口訊,說我不日會致電請安並請教置業事宜。

今天下午有空,便與K叔叔通了電話。K叔叔不愧為老行家,十五分鐘的電話,直接了當,字字無虛言:

入市
K叔叔:「下半年樓價會比現在低,不過有多低就難說。但倘若你不買也打算租的話,我覺得差別不大。你可以開始在你心儀的地區約經紀看房子,看上一兩個月後把範圍收窄,然後再上我公司和估價部的同事談談。」

經紀
K叔叔:「同一區別漁翁撒網,委託萬七咁多個經紀。試想想,若然經紀 A 撞見你和經紀 B 然後又見你和經紀 C 一起,經紀A 還有心機幫你嗎?」

K叔叔:「能力所及,多用0.5佣金去利誘經紀為你尋找好屋或代你向業主還個好價錢。」

K叔叔:「同一位經紀帶你看了十多廿所房子你都未能下決定,不要緊的。這是你作為消費者的權利」

看房子
K叔叔:「帶多個人去幫幫眼。咩人?!你屋企人囉。(errrrrrrrrrrrrr)」

K叔叔:「入了屋,別任由經紀帶你看這兒看那兒。你讓他靠邊站,你要自己看--你心中要自己有個checklist。(丫係咪我暑期工做估價助理時果個checklist呀?)係喇。」

K叔叔:「留意大堂環境--看更坐的那個地方整潔嗎?留意住客品流如何。」

K叔叔:「如你愛靜,要留意附近道路是否重型車輛所經之地。這在日間可能不明顯,但夜晚你就知!」

還價
K叔叔:「別隨便還價,萬一你還的價對方肯首了,你便不知如何是好了。萬一真的如是,記住:你還有考慮的權利,千萬別因為不好意思而隨便做決定。」

一手樓 vs 二手樓
K叔叔:「最緊要你鍾意。」

銀主盤
K叔叔:「當下沒有什麼銀主盤。下半年可能會有,但也不會很多。而且,銀主盤通常先透過經紀行放售(當然經紀不會告訴你那是銀主盤),一段時間仍賣不出去才會拍賣。所以拍賣的銀主盤通常有些問題,也許是屋有問題,也許是前業主有問題。」

兇宅
K叔叔:「兇宅或有類此問題的房子我這兒有資料。當然你亦應該要經紀向你保証房子並非兇宅。」

總結
K叔叔:「不要心急,也不要執著。房子看得愈多,你便愈清楚自己想要的是什麼。」

所以,我這兩個月會開始我的找房子之旅了。

14 則留言:

聶秀康 提到...

第二次買樓是八號風球前在某區飲下午茶中身痕去睇樓,我是戀家的人坐在廳中問自己:買了這裡會喜歡回家嗎?答案是!便買了下來也沒買錯!好像有些化學但彩數與直覺都可幫上忙。

小瓶子 提到...

哎, 你开始看房子, 即是之前的不快已经没了, 这是好现象哦.

安諾勿斯 提到...

恭喜,恭喜!善用公司提供o既福利,你會覺得公司(唯一)可愛之處。

七十樓危危下望 提到...

安:
妖!

安諾勿斯 提到...

哈哈。

金融海嘯後,小弟有不少同事,人浮於事,終日無所事事,都紛紛置業安居。

小弟緊排都有啲心動,希望於第三季做隻有殼蝸牛,有順盤記得要單聲!

米都話唔搞咯 提到...

有幾點意見:

1.讀你的朴這麼久,相信你是一個奄尖又對睡眠環境有極高要求既人,呢點你係同米太一樣既...所以我第一個建議係,先租後買!!!當然,你未必可以買番同一個單位,但起碼買番住過而又滿意既同一幢都好好多!

2.「看房子 - 留意住客品流如何」:以前我和米太會喜觀較便宜的房子(我相信人人都鐘意平啲!),但到米太因為身體問題需要較寧靜環境時,才發現就算是同一區,環境相約的不同樓宇,不同價錢也會有不同的分別...分別就是在住客的質素;雖然不是說較富有的就一定是好人,但客觀地說,貴一點的樓住客都會較為講理,又,有好的管理(不是只有一個看更在樓下那種)又有好大分別。起碼樓上深夜打麻雀都可以叫管理員去搞,唔駛自己煩...

3.「一手樓 vs 二手樓」-現在的二手樓較多環保露台啊之類既嘢,我自己就覺得唔抵囉...不過都係嗰句,最緊要你自己鍾意。

4.「當然你亦應該要經紀向你保証房子並非兇宅。」-可於細訂合約中訂明

5.還有一點,就是「你有冇諗過要生小朋友先」????雖然你可以話到時再賣左,然後再買大啲,但買樓畢竟係好煩好煩既事...如果你短時間內(三年內)會有咁既計劃,租係一個比較靈活既做法--呢個係個人既體會。

鄭小姐 提到...

置業係好事丫!
恭喜七十姐你踏出呢一步!
你理想係住邊一區呀?

ak 提到...

七十師妹,

買樓可以慢慢揀,不用rush...好肯定下半年應該會有更多更好更平的選擇...就當上半年係windows shopping先啦...

提到...
作者已經移除這則留言。
提到...

米爸先租後買個意見好好喎﹗
尤其是個啲未住過既區

我覺得買樓最緊要自己住得舒服啦
如果唔係炒真係要黎自己住
咁樓價升跌你都係繼續住架啦
咁就變相係一種消費, 唔係投資喇
供得起住得舒服就夠
冇需要「摸底」啫
(咁當然要避免摸頂咁傻仔,
但而家個價離頂己經好遠喇嘛
所以我覺得唔駛擔心咁多算咁盡囉)

seikomatic 提到...

K叔叔:「能力所及,多用0.5佣金去利誘經紀為你尋找好屋或代你向業主還個好價錢。」

俺就叫經紀盡試個最低價,例如減5皮業主會同意你就要個經紀講十皮,講唔到唔盡力講就要經紀減佣。雖然知道而家發市有d難度,不過俺見過好多經紀只系帶人睇兩次就收幾皮野,又唔駛講下價,咁筍既工既妒忌又羨慕,唔減下典得,況且如果下半年系 buyer’s market

______________________________

還價
K叔叔:「別隨便還價,萬一你還的價對方肯首了,你便不知如何是好了。萬一真的如是,記住:你還有考慮的權利,千萬別因為不好意思而隨便做決定。」

無性趣千奇唔好還價,唔想晒時間就出定自已個底價再減小小,如果升到底價都唔埋冷就馬上 come 牌,如果經紀死磨難磨就叫佢睇下發叔條簽。

俺仲記得第一次系自已間【房】獨處果種飄飄然既感覺....

JC 提到...

hi, 好羨慕你可以"想置業呀"...我都要俾心機, 因為想之前都要有本錢。

dog o 提到...

搵合適的屋,容易。
搵到自己個心去住進間合適的屋,才是最比難磨人。

Best wishes!

匿名 提到...

凶宅資料
http://search.whoms.net/article/list.html?seriesId=96

Related Posts Plugin for WordPress, Blogger...