前度男朋友鴨鴨知道我拍戲冇錢，有時仍然俾零用錢我，然後一定叫我請我阿媽食飯。唉，其實我媽媽是打從心底裏不喜歡出街食嘢，佢真係覺得街啲野食好污糟。 呢期向美國的Vintage Chanel生意終於發市賣左件衫，咁我就迫阿媽俾我請食飯。 昨晚再嘗試討老母歡心話係呀其實《紅樓夢》𥚃面都係話街外野污糟不潔，所以衫褲鞋襪都係屋企嘅針線姨娘整嘅，食物就梗係食返屋企自己煮啦，連化妝品即係口紅胭脂都係自己整㗎。 老母感覺唔到我的苦心，完全冇表情。咁我就進一步具體啲同佢講，咦阿媽你知唔知賈寶玉啲鞋係邊個整㗎？ 阿媽終於有啲興趣，話唔知喎。 我喜上眉梢咁樣同佢講賈探春有份整㗎。 阿媽話：「探春？探春係賈寶玉表姐嚟㗎喎。」 我一時興奮大叫：「乜呀，探春係寶玉父親的妾侍所生，佢哋係兄妹嚟㗎！」 阿媽塊面即刻沉晒，討老母歡心計劃失敗。 我可以去死了。 #紅樓夢 #探春 #actresssonia

via Instagram https://instagr.am/p/DUJAo6Ck825/