哼哼，估唔到數碼式撕票就發生在數碼港，仲要全世界有目共睹。
有言論指出若有歐盟公民在此事件中涉及私隱外洩，可能掀起一場國際仲裁官司，咁數碼港便仆街了。*
傻豬豬嚟既，若然有此事發生，數碼港只需要執咗間公司，扮曬遣散僱員，然後擰轉頭開過另一間公司去續命咪得囉。^
不過如果係將件事拍成電影，咁 * 應該比 ^ 更有機，因為 * 比 ^ 煽情，又中晒香港人鍾意睇法庭戲果甫癮。不過遺憾地現實世界邊有咁爽歪歪的事情呢，嘿嘿。
星期一, 9月 11, 2023
成為我愛演的一個我， 其實未算太坎坷
《成為我愛演的一個我，
其實未算太坎坷》
在七十樓的時候，有一年的基金會Annual Party，由於當時我最年輕，所以被周小姐捉咗上台，考我急才。
為潘蘇通先生打工時，臨近中秋節，成個集團包括中國工廠同事開秋茗，有人問我這個主席助理要不要上台唱歌跳舞，我直頭話唔去。
係呀，果時未賣廠；
係呀，我細個唔識諗，其實公司會安排娛樂圈數一數二嘅公司去教我唱歌同跳舞，我蝕左。
到HSBC，有一次搞唱K，結果除咗老闆們，冇人肯唱。結果我啲老闆叫我去唱……原來大家都認定我係好交際。
不過實情係我好潛。中學時代的學生領袖角色係appointment，不像學生會社會等要「參選」。大學時更加潛，而且去咗日本一年，結果我現在都冇大學時識落既中大朋友。
離開HSBC 幫吳總打工，好了，這次活動是在北京舉行的「春晚」。由於辦公室政治的原因，就是明天就「春晚」，今日才通知我。結果我冇著晚禮服冇人梳頭化妝之下飛到北京，好好野又有人想推我上台唱歌🎤，唔好咁啦我都著左大露背長裙啦喎。
⋯⋯咁，後來是香港同事夠義氣，我哋一條心一起上台唱左首《紅日》😅。突如其來手忙腳亂到sound team 技術人員都未ready。
命運的安排卻滴水不漏，現在的我居然走咗去拍戲。可能係我之前誤會左自己，我只是不喜歡交際，但還是有表演慾。
我書寫這篇文章，你就知道我是何等喜樂表演。正所謂「成為我愛演的一個我，其實未算太坎坷。」👈🏻識唱一齊唱。
星期五, 9月 01, 2023
星期四, 8月 31, 2023
星期二, 8月 29, 2023
中國歷史最淫亂的朝代
五代十國，魏晉南北朝……我呆呆的想：「額，搞乜春我好似有讀中史但原全唔記得。😳真係年紀大了，以前我有攝影機記憶，乜都記得。我係咪要開始學打麻雀……」
By the way，呢個 YouTube Channel 幾好睇，知識層面廣闊博學，啲公仔又畫得好抵死啜核。
咁香港人，未必個個鍾意奶，但啜係另一回事囉😎。
星期日, 8月 27, 2023
《買衫與拍戲》
《買衫與拍戲》
去年剛入行真係咩都唔識，咩都唔知掟。首先出現的問題是服裝。
友人係IT人，不過佢用 Common Sense 叫我千祈唔好揹 Chanel 手袋去拍戲，我果時仲諗咁我揹 Longchamp 囉。
然後到衣服，因為入行時係秋天，咁我就著 Vintage Nina Ricci， Moschino, 又或者著 Burberry 外套去拍。
拍左五張通告之後，我知道了片場尤如地盤，工作期間會整爛啲衫，咁真係冇理由著名牌去拍戲。
於是我開始在淘寶搵啲價格唔超過五十元人民幣的西裝外套，又或者針織。
你估下我買咗幾多呢啲衫？
.
.
.
.
.
燈燈燈燈，係六十幾件。
然後我拍新希望醫療廣告，條片出咗街後，我發現雖然件針織好靚，但不上鏡，仲影到自己好肥。
真係著西裝外套比較上鏡。
到去ViuTV做強尼節目嘅嘉賓，我當時著咗件Moschino西裝外套，上咗鏡係好啲。
然後我諗起自己的 Chanel Tweed 外套，我先至覺得蝕桌，做嘉賓拍廠境電視節目，坐定定，點解我唔著得再靚啲？收埋啲Chanel 托咩。
🤷🏻♀️
星期二, 8月 22, 2023
韓國電影Concrete Utopia《烏托邦浩𨚫》與災難片
Concrete Utopia
👀 Why this is on Linkedin?
🤩 Making movies being a business.
🥳 Now I am one of it.
韓國電影Concrete Utopia，香港譯名《烏托邦浩𨚫》，導演眼高手低，災難片的災難鏡頭亦沒有睇頭，我差點睡着了。
朋友評論劇本失敗在於想說很多高深的enablers，不過我卻認為電影🎬述說的都是非常正常的思維。
一群civilised的人受難，面對需要make collective decisions，選舉代表又或者領袖是很自然的事，就像小學生都會選班長，中學生會有領袖生一様。所謂嘅烏托邦其實就係一個講理性講集體利益的世界。這是一種形而上哲學。
套電影唔好睇，因為基本功全部唔掂。劇本的推進很出戲，唔夠development。
女主角一反柔弱姿態，爆入李秉憲間屋繼而搵到屍體而糾集眾人質疑李秉憲不是local，反而卻是他自己口口聲聲要對付嘅敵人，即是「外來者」。
不過一來個劇本用曱甴來形容那些外來者，香港觀眾多多少少會有啲分心，二來經過剪接，李秉憲究竟搞乜鬼既心路歷程，抱歉真的不清晰。阿朋友自己腦補故事然後想點醒我，呵呵畫面呈現不到，就是呈現不到啦，沒有必要為導演強行辯護。
全套電影基本上沒有很大的災難感覺，覺得畫面呈現嘅，只係一個一個嘅廢墟。
為什麼表達不出災難感覺呢？因為導演冇比演員去同地震冧樓冇水冇糧食火災自己人VS外來人……等等場景產生足夠的衝突以及張力。戲劇是關於衝突，電影更加是有衝突之餘，再要求張力。
張力是什麼？即係《一代宗師》梁朝偉到金樓去，準備同章子怡打之前的冇對白的一段戲。演員唔洗講野，但觀眾已經感覺到「一觸即發」，伴隨一種凝重的壓力，呢個時候觀眾的身體語言是眼神專注和身體向前傾。
John Wick 4最後決鬥嗰幕響巴黎聖母院。雖則有人覺得情節堆砌，不過我卻認為選景非常恰當，如果唔係大家點會見到John Wick俾打到跌鬼左落去，觀眾自己先心頭一暗大叫不妙。
那邊廂Concrete Utopia連美術指導都一殼眼淚。大佬，一個一個全是深深淺淺灰色嘅鏡頭，都唔使加紅色，你只要加返一點點橙色，每一幕每一個鏡，影像便會豐富有層次了很多。
我跟朋友說讓我們等一等劉德華，他有一部災難片已經拍完將會上演。我從今年二月開始拍到五月，唔勤力嘅我都拍咗五組戲。
其中一組係拍超級市場搶購食物，個拍攝係好黐線，連導演對住個play back都話「嘩，都好瘋狂喎。」
咁係真係好瘋狂㗎，最搞笑係take one前會「㴝一個試既」。呢個「試既」take 0拍咗後，道具叔叔們個個喊咁口。鬼咩佢地要「還原靚靚拳」，咁一間超級市場，經過搶購之後，啲貨俾人拎走晒又掉亂晒，道具叔叔要好快好快咁還原，係咪執Q死呢。
另外一個非常辛苦嘅一組拍攝，我們扮演受影響的災民，排隊搭政府安排的旅遊巴離開現場疏散。劇組把無數咁多牛角風扇開到最大力，然後再將已經燒成灰嘅報紙灰燼經過牛角扇向我們吹過來，吹到我哋一身都係，我波瀾壯闊嘅事業線亦「攝」咗唔少灰燼。真係波瀾壯闊到呢……
嘩，我好肯定呢個鏡頭響電影播放嘅時候會比觀眾一個非常之災難嘅感覺。大家到時一齊睇劉德華的這一齣電影，認下有冇我啦。🎬🎭🥰🙌
星期二, 6月 27, 2023
期貨牛牛
「期貨牛牛」
今日之後，高海寧就會通過為期三個月的試用期，正正式式成為投資銀行GS的員工。GS是環球金融的行業龍頭。
高海寧踏入IFC的升降機，她仰望着升降機門上的樓層顯示燈。顯示燈的閃燈彷似在對著高海寧在眨眼，高海寧笑了。
確實是應該滿意地笑。GS是國際首屈一指的投資銀行，每年只會在香港請一個咁大把的見習金融分析師。
香港中文大學工商管理學士畢業的高海寧，在大學畢業時GS沒有給予offer。高海寧並不氣餒，她進入了一間中資投資銀行，並且找到自己的niche，就是做期貨。
五年過去了，因為在香港投資銀行界，專注做期貨交易的分析員不多，所以高海寧已經是行內頗有名氣的財經顧問。
又靚女又叻女，高海寧最近兩年不斷收到Headhunters的電話，邀請她去其他投資銀行又或基金公司洽談合作。高海寧都一律敬謝，因為GS才是她的目標。
半年前機會終於來了，GS透過獵頭公司接觸高海寧。經過三輪面試後，GS給出一個Senior Vice President, Commodity ，的offer。
高海寧立刻向在職的中資銀行提出離職申請。中資銀行也十分熟悉行情，打聽到原來是GS要聘請高海寧 ，銀行Head of HR 便要高海寧即時辭職離開公司辦公室，因為中資銀行害怕高海寧會把客戶資料及交易數據帶走。
高海寧知道這是行規之一，便乖乖地離開公司。至於放在公司的個人雜物如水杯等，高海寧也知道公司會處理及安排快遞公司把雜物送到她的家。
公司有三個月離職通知期，高海寧在和GS簽offer時，GS自動提出三個月的代通知金由GS承擔，GS希望高海寧儘快上任。
不過中資銀行可不是吃素的，中資銀行給高海寧三個月Garden Leave，務求阻止高海寧即時過檔，並且爭取時間訓練其他同事或另外聘請高明去繼續高海寧在中資銀行的工作。
「咁就大家一齊等。」
現在，高海寧已經坐完Garden Leave，再過埋試用期。所以，今天的高海寧真的躊躇滿志。
升降機門打開了，「咯咯咯咯咯」，高海寧雖然穿了一身阿曼尼的黑色西裝西褲，不過她腳上卻是一雙艷紅的Roger Vivier 三寸高跟鞋。
高海寧走著會議室，把iPad接上會議室的投影屏。15分鐘之後，高海寧將要在GS的五位Executive Directors面前，介紹一個嶄新的投資項目。
這個項目，就是牛肉期貨。
而接下來的故事，便是高海寧如何在GS打一埸辦公室政治的硬仗，及她主理牛肉和其他商品期貨的生意。
這是一個開心的電視劇集：正經並按實例而創作的財金故事，卻因為有時事實比戲劇更戲劇化而帶來笑聲。
這也是一個令事業女性會有共嗚的劇本：在一步一步爬上企業頂層的成功感，背後亦有無數的淚水。例如，專注事業，感情生活就一塌糊塗了。
星期日, 4月 23, 2023
如果你有興趣試吓客串一下拍電影電視劇，可以考慮去試吓參加以下拍攝： ***seeking referrals 自己嚟試吓玩吓又得，介紹朋友又得，得咗***🥰，
如果你有興趣試吓客串一下拍電影電視劇，可以考慮去試吓參加以下拍攝：
***seeking referrals 自己嚟試吓玩吓又得，介紹朋友又得，得咗***🥰，
星期三, 4月 12, 2023
Show Sonia Whatsapp Group
🎬
***seeking referrals 自己嚟試吓玩吓又得，介紹朋友又得，得咗***🥰
*** Let’s get in the loop first. Better opportunities will be at your doorsteps when the timing is yours***
*** Whatsapp for next steps 有興趣嘅朋友請聯絡Sonia***
👉🏻 https://wa.me/85294374370 👈🏻
Looking for Caucasian and Mix Models ages 25-45yrs old! (Must be currently in HK)
And Caucasian teens (Male and Female) ages 12-16!
Asian Tourism video casting!
Shoots for one day near end of April or first week of May.
Auditions are in person this week and require talent to be ok wearing a bathing suit.
Usage of video is one year
Rate is
800HKD per hr / 8hrs for supporting roles
20,000hkd for 8hrs for a Lead role shot in HK
32,000hkd for a lead role that shoots 8hrs in HK and then 12hrs over in Philippines! (Travel paid for of course)
Fill in the form 報名請填妥以下表格＂:
https://docs.google.com/forms/d/1X_i8HL6z4jlz75tkxIiY04WX1ZYVtjUUTdKJz8NdrbU/edit?userstoinvite=soniaaristo@gmail.com&ts=63fb94c1&actionButton=1#settings
Or
*** Whatsapp for next steps***
👉🏻 https://wa.me/85294374370 👈🏻
And:
❤️ FB
@ShowSonia
@貓貓知道的事情
@Bon Bon Lifestyle Community
❤️ IG: soniaaristo
❤️ LinkedIn:
https://www.linkedin.com/in/soniaso
❤️ WhatsApp 通告群組
https://chat.whatsapp.com/KOj2ePofRwHDDjoiaaATwc
訂閱：
文章 (Atom)