《拍電影之攝影團隊》 拍電影做攝影，即係揸機嗰個。 此位置很難由女性肩負。 我冇問過攝影組，但我觀察到入攝影組如果由低做起，我只係見過一個女仔，其他都係男士。 揸攝影機，大概有四種方法：手揸、行路軌、伸延槓桿，和航拍。 一部攝影機係好重，手揸既情況，通常係想拍出嚟有更大嘅真實感，因為手揸總會搖搖擺擺。 我入行一個月未夠去咗參與一齣打拳主題嘅電影，嗰日成日係圍住個擂台而拍。嗰日係我第一次見到有攝影師揸住部攝影機圍住個擂台360度咁拍，走咗好多次圈圈。 攝影機已經好重，攝影師仲要不斷咁圓圈跑，為咗保護攝影機，攝影師嘅腰部係綁上一個好重嘅沙包，攝影師攰嘅時候可以將個攝影機挨落個沙包度借一借力休息。 攝影師其實好危險，所以攝影師後邊會有一個同事企喺佢後面負責保護佢，等佢千祈唔好差錯腳跌咗落個台度，又或者個攝影師真係甩手啦，後邊個同事可以幫手救一救跌落嚟嘅攝影機。 嗰場戲拍得好辛苦，好似拍咗14定係16個鐘，所以導演宵夜萬歲。 路軌方面，每一次轉機器轉角度，攝影團隊係要鋪一條路軌，路軌本身有重量，但係為咗鎖定路軌響地上面，我注意到攝影團隊會用一啲木粒去鞏固路軌，係一啲好辛苦好粗重嘅工作。所以拍戲咁耐以來，我只係見過一個後生女係響攝影團隊裏面，我親眼見佢鋪路軌我親眼見佢搬咁重嘅攝影機器。 機械臂攝影機操作得冇咁辛苦，但係其實危機四伏，因為如果鞏固唔好個軸心，成條機械臂會冧落嚟；又或者四周人士唔注意，係會撞到條機械臂。 航拍最舒服，但係技巧要求好高。除咗攝影師揸機揸得叻，導演同埋副導演或者同埋藝術同攝影指導係一定要充分知道自己想拍啲乜。 咁辛苦，仲要講天份，即係你有冇攝影眼。 你會唔會想入行啊？ #soniaaristo #蘇麗亞 #ソニア #hongkongactress #actresssonia #soniaso #

via Instagram https://instagr.am/p/DRJwFYmk9ho/