七十樓危危下望 Sonialogy : 🎬 呢個圈子當然很多是非，亦很多誤會。咁算啦，我今日都係出咗去拍戲。 Serendipitously，我居然有得同汪小姐對戲。副導：「嗱，你兩個企向到扮賓客等阿姐入嚟……」我：「吓，又話我做記者嘅？我條Cocktail Dress換咗呢套套裝喎，咁洗唔洗我去換返條長裙呀？」（成日都問問題既我，但係片場唔係HSBC，唔好咁多爹啦⋯⋯🫣）副導唔理我，繼續同我講走位。講完走位，原來我好似係阿姐的小粉絲，同阿姐有熱情的對白。總之咁咁咁，擾攘一番之後，我其中一句係「太太，你個中國婦女會籌款晚會搞得好好呀，恭喜晒！」咁阿姐當然俾返反應，幾個take 之後，阿姐問我究竟係「中國婦女會」定「婦女會」？我即刻擘大個口：「errrr」阿姐：「咁唔緊要啦，跟劇本咪得囉。」我：「我冇劇本㗎😭」咁我哋繼續討論究竟係「中國婦女會」定「婦女會」，我話：「我唔知道有冇嘢要避忌，因為真係有”中國婦女會”呢樣嘢….」呢個時候導演嗌 Good Take，資深既阿姐眉精眼企即刻聽到，同我講佢哋要咗個take啦，咁即係唔緊要啦。阿姐用眼神做戲，好好戲，又好人，不介意我這個新人。嗱，呢條咁短既裙係戲服嚟㗎，仲有我件外套居然是Alexander McQueen 。交還戲服時我問佢哋件外套係咪堅，咁居然係。我本身未擁有Alexander McQueen的衣服，而我其實一直好想要一件Alexander McQueen洛可可風格的黑色皮衣，好鬼靚。今次無啦啦有得著，我就當係個小確幸吧。☺️ #soniaaristo #蘇麗亞 #ソニア #hongkongactress #actresssonia #soniaso #cantoneseactress