比如去年聖誕節前入貨的一件粉紅色毛毛大衣，我拆貨時為之驚艷，身不由己地穿上大衣，在店裏行來行去。隔壁美容院老闆娘看見了，捉著我要我把大衣賣給她，「好好好，我給你也訂一件。」
零售嘛，索價十倍。大衣到了，老闆娘穿上，攬鏡自照，扁扁咀說為什麼穿在她自己身上就是沒有味道，怪我騙她。額，我攤攤手，無語。後來她叫我免費做 Hifu，我倒是不敢去。
細細妹年紀到了想買 Chanel 的歲月，問我要不要把我的 Vintage Chanel 賣給她。愈 Vintage 愈講究個人風格和氣質，不然就像拿 A 貨。我 distance 地說：「是時候陶冶性情了。」「但係我鐘意你個黑色漆皮小手袋喎。」我帶細細妹到太子店逛逛，她小聲跟我說。可遇不可求啦，我攤攤手。
「咁係咪所有 Wallets 都可以變成 Wallet on Chain?」打死不離親姐妹，大家都有股愛好研究的精神。我立即權威地說：「梗係唔係啦，WOC is a style，同埋多數只係 One Way。」⋯妹，查實我獲得少少真係好小之 VIP 服務係因為我的眼光，唔係你估因為我買得多咩？
冇喎，成年冇買野啦我，有一櫃子香奈兒其實不是一味開心的事情⋯⋯我又怕啲衫發霉又怕勾線又咁又咁。而且呢，夏天太熱我又不一定坐在辦公室，冬天太冷，啲衫似乎用來恭奉多過穿著。
Accessories 都一樣，真係多一件唔多。夠了就算了。不過花錢我情願花在香奈兒，嗱我真係賣香奈兒來打本做 CoLiving 生意架，幾夠綽頭呢呢一本生意經。
我想我未有耐會再買香奈兒的衣服。香奈兒外套有一種圓肩剪裁，彷若旗袍，深得我心。不過這幾年韓風當道，圓肩剪裁難得一見。而且當衣櫃已有數種顏色的衣服，我真的不想買，我怕夜晚黑媽媽啲衫會洶湧而來撲殺我。
延續 2017 於半島的展覽，很快便會再有品牌活動。細細妹挑了好日子叫我一起去，我便想⋯呃，穿什麼衣服挽什麼手袋呢？一定不會是 Executive Look，我從來也不喜歡穿套裝。七十樓時代我也只是頭幾天扮乖而已，工作上手後靠實力啦哈哈哈哈👈好老土。不過我居然因為阿姐意見而剪短了頭髮，待頭髮再長長了後我便一直是長頭髮。
那件粉紅色毛毛大衣今年翻出來已經不想再穿，聖誕節後我拿去洗衣店本想蒸一蒸，卻給拿去乾洗。乾洗回來是更不想穿。
衣服也會老。
天若有情天亦老。
這是傳說中的家用嗎？
呵呵呵我冇鬼用搵唔到錢，life partner，靠你養我了。😘😘😘😘😘😘
自己搵既＄跟男朋友俾＄是兩樣截然不同的事情。被照顧的女人是一種特別的幸運，前提是女人自己要夠獨立也可以獨立。
嗲是一樣 exclusive 的只屬於情人的行為。（對咩人都嗲⋯嗯，這是發姣囉 lol。）
(*ﾟ▽ﾟ*)
女人當然要自強。正正因爲女人一樣要被穿甲又越過山又穿洋過海既流淚也流血流汗，所以更需要一個可靠的肩膀。
不發一言，默默擁抱又或伏在他身上聴他心跳，很 NLP地令自己身體同步，每天三十分鐘，三十分鐘就夠了。
我沒有隱瞞的習慣，兼且現在是皇上奴婢的關係，奴婢自然得有（沒有）罪得招。
Let's recap in Cantonese.
皇：「我出巡的時候，你有沒有做了什麼錯事？」
蘇小小：「（跪下）回稟大皇，奴婢被慈母們捉我小女子 Jaywalking。）
皇：「咩Jaywalking？」
蘇小小：「（心諗果然係商業 practice 翹楚）回稟大皇，Jaywalking 是刑事罪行，即不依交通燈號橫過馬路。」
皇：「咁你有冇吖？」
蘇小小：「（淚）回稟大皇，大皇亦知道奴婢重感冒連聲音也啞了。事發當天奴婢一夜沒睡精神委靡，隨便穿件 tube top 打算散步一會，累了便回家補眠。事發時奴婢見燈是綠色的才過馬路，誰知過了馬路抵達彼岸即有墨鏡慈母截止奴婢，指著燈說現在是紅燈我要檢控你…
慈母：「身份證！地址！」
草民：「（嬌弱地）身份證俾你，地址我唔記得門牌 number 我新搬屋同埋感冒緊依家好曬我頭好暈。」
慈母：「冇地址你要跟我返差館。」
草民：「（見慣世面）好啊我都想錄口供啊我過的時候是綠燈如果你在我過馬路時指出其時已經是紅燈我冇野講但你係向我過完馬路先指個燈係紅色係咪有可能有 time lag先喎慈母咁係咪有 doubt 先有 doubt 我係咪有 benefits of doubt 先⋯
（下刪了二小時與慈母共度母親節的情境。）
皇：「😡」
蘇小小：「咩啫。」
皇：「😡😡😡😡😡😡😡😡😡😡」
蘇小小：「咩喎。」
皇：「咁如果收到 prosecution 你 convict 定上庭 😡😡😡😡😡」
蘇小小：「我覺得慈母咁愛我，咁***（不能寫出來）；又如果收到檢控，我照寫問係咪有 benefits of doubt 囉。」
皇：「🙄」
蘇小小：「做咩喎如果我有個 litigation 既男朋友呢⋯⋯」
皇：「呢如果你有個 litigation 既男朋友呢⋯⋯佢會煩Q死，佢會收你 Annual Retainer 囉 😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡 」
蘇小小：「🐰。皇上，咱們還是不要討論假設的事情啦。（顧左右而言他）皇上請沐浴，奴婢已經凖備妥當⋯⋯」
🙄🙄🙄🙄🙄🙄🙄🙄🙄
是以，呢單慈母野，我係會（要）自己處理的。
做咩當年唔入法學院呢？（皇：「你白痴囉走去讀 BBA😡😡😡😡😡😡」）
