蛋蛋你就鐵了心（aka 冇糖心）

 

蛋呀蛋，我遲咗一分鐘撈起你，只是一分鐘，怎麼蛋蛋你就鐵了心（aka 冇糖心）。

蛋蛋雖然你只有一個蛋蛋，但是你係男子郎呀喂，郎心如鐵呀⋯⋯

#好文采

#一個孤獨的演員

#Gag

#好爛既Gag

#foodie

#eggchallenge

#instafood

#eggsrecipe

#糖心蛋

#卵の食事

#現實比電影更超現實。

個個都拍拖 唔通個個都想拍拖咩；個個餐蛋麵都要分湯，唔通真係個個老闆都會分湯？

 寫在淩晨四點鐘。

#現實比電影更超現實。

個個都嗌外賣，個個都知道外賣餐蛋公仔麵要分湯，個個都投訴。

咁又有幾多個人可以張成件事turn around不特止，仲做埋朋友？

兩個月前有一晚我叫了這間餐廳的外賣，是餐蛋公仔麵和日式串燒。點知公仔麵沒有分湯，我手中的餐蛋公仔麵涱到大腦🧠咁樣。

我便打電話給餐廳投訴，個老闆賠咗張單俾我，但係，佢唔覺得自己有錯，佢仲叫我以後唔好叫外賣添。

第二日老闆居然打電話俾我，話之前語氣唔好對唔住，我其實係比緊善意嘅提醒佢點樣改善食物。

終於今晚，我去了餐廳和老闆見面，你知道嗎？老闆居然是完全沒有分湯這個概念，「係你講我先知有分湯呢個best practice。」

🙈 

一個投訴，結果卻是這樣的一個turn around 。本小姐我的命格真係好特別lol。🙈

#貓店長好可愛。

《Sonia舔舔脷食評》之Mirage Bar & Restaurant

 

《Sonia舔舔脷食評》之Mirage Bar & Restaurant

昨晚到位於灣仔港灣道1號香港萬麗海景酒店1樓的Mirage Bar & Restaurant餐廳吃晚飯，全晚菜式非常之有驚喜。

1. 頭盤鵝肝醬搽多士，餐廳廚師用一個橙色的果占做cold dressing。

嘩，鵝肝醬的咸撞上果占的甜，嘩，鵝肝醬的濃味撞上果占的清新。齒頰留香，冇得頂！

2. 也是頭盤的魚，又係個cold dressing好出色，開胃醒神。

3. 亦都算係頭盤的一個蘑菇湯，🫠可能唔係蘑菇湯，我唔記得啦哈哈。

蘑菇湯上乘水準之作，驚喜來自隨蘑菇湯附上的麵包。

嘩嘩嘩嘩嘩，今次好犀利呀！蘑菇湯附上的是半份芝士火腿三文治！更加開心的是火腿係Parma Ham，而個芝士係半溶解的狀態。

好味到我會肯用手拎住嚟咬拎嚟食。(平時我用刀叉食🫠）。

4. 好啦到主菜：個泰式咖喱有點兒太辣，那邊廂的牛扒，是一個我從未遇過的奇妙牛扒。

你見到個牛扒係欖球形狀，呢個牛扒比我感覺佢係面層的牛肉好似一層360度的外皮，然後包住裏面嘅肉。

點解有咁嘅感覺呢？因為我一刀切落去牛扒時，牛扒有一種氣球洩氣的感覺，這是我食牛扒從未遇過的情況。

為什麼為什麼呢？我唔知道。下次我再去食飯的時候問下餐廳先。

而牛扒味道好濃郁，出乎意料地美味，食完好有滿足感。

5. 甜品，Tiramisu，你睇吓個size。

仲有服務，waiting at my table 的是一位漂亮女生，我叫了一個  Earl Grey Tea。

我好麻煩又要加檸檬，又要加蜜糖。漂亮侍應生沒有用筆記下來，但這個伯爵茶送來的時候，一點也沒有遺留，非常專業。

喺今日嘅香港，所有餐廳都好困難好唔容易，所以堅持頂着同時係好味有誠意的餐廳，值得我寫咁長嘅文章去分析分享，同埋介紹給大家。

Mirage Bar & Restaurant

地址: 灣仔港灣道1號香港萬麗海景酒店1樓

電話: 28028888

*** An Article By Sonia ***

Sonia SO 蘇麗亞 ソニア(Sonia Aristo)

Actress |Vintage Luxury Boutique Proprietor | Insurance Licensee

IG: https://www.instagram.com/soniaaristo

https://www.linkedin.com/in/soniaso

拍電影要有力！💪🏻🤟🏻✌🏻

 

🍕

A big slice of delicious pizza with heavy cheese and salami for a crazy overnight filming... 🫠

 #拍電影同紮鐵一樣咁辛苦

關於 Pet Travel，Dating Ltd, UKeducation 的聲明

 

致各傳媒

請即發放

香港 ｜ 2024年2月6日

《聲明》

本人香港演員蘇麗亞在此嚴正聲明本人在2024年 1月31日已經向由東主Mr. Paco Chan （下稱陳先生）擁有的Dating Ltd 及曾經有答應效力的UKeducation提出單方面辭職。

原因是東主陳先生涉及數宗已進入司法程序的性騷擾案，以及其向英國教育機構提供虛假證明意圖獲得頒發MBA學位，

陳先生更涉及欠薪及私吞本人為其生意而獲取的價值超過一萬港元美容贊助的禮物。

本人基於職業道德，恥於為伍。

事件已經向相關政府部門聯絡反映，民事追討已在進行中；若果事件涉及刑事，本人必會再尋求香港警方的協助，以彰顯公義。

陳先生的生意瓜葛，與本人從此沒有一絲關係。

希望各位，特別是女求職者，千萬不要再上當。

寫在二月

 

我從來不是一個好家姐，所以今年伊始就竟然和已經遠赴英倫的細細妹每天無間地whatsapp 聊個不同停，我實在非常感恩。

我認識很多人，每天亦與更多的人擦身而過，不過原來世界上最重要的人，就只有阿媽細妹，和鴨鴨。

咁又唔好再諗咁多嘢做咁多嘢。以後就拍戲，就寫作，就一心一意勒緊褲頭做Vintage Chanel 生意。

Vintage Chanel 是我ROI最高的一個生意。考眼光考耐性，考我唔自己唔買衫俾自己，一分一毫咁慳曬啲錢去入貨。買一件賣一件，賣一件買兩件，賣兩件買四件。幾何級數地慢慢做大個餅。

今日看到有高人說施永青用Section 88 走稅仲要大大聲講自己盤生意幾勁。Er，就真係無謂俾人知道生意係點樣操作，我已經打消左為Vintage Chanel 整個威威Branding的念頭。

我只是一個入行一年的演員，我好窮架我😭。

P.S. 聴聞依家申請Section 88 比以前難左好多😌。

P.S. 無聊時就自己幫自己整指甲。💅

自己指甲自己整。

 

自己指甲自己整。

幫助穩定情緒，我有兩個活動：織冷衫和整指甲。重覆但要專注，每一下的付出會即刻見到成果。

太美妙了。

Bon Bon Vintage Luxury: Chanel Jacket

 🎊 Bon Bon Vintage Luxury🎉

Vintage Chanel curated by Sonia So

Check out my Chanel Jacket 🧥which is now for sale at Hula. A rare item for serious Chanel lovers. ❤️

The Golden Globe for Best Supporting Female Actor – Television goes to Elizabeth Debicki

 

（Scroll down for English text)

嘩原來真人個樣係咁樣。但是扮Princess Di佢係最形似神似果個。Elizabeth Debicki把戴安娜王妃的高挑骨感身形和往上望的眼神扮演得活𤫊活現，彷若真人臨在。仲要講英式英文用英式口音。

好厲害的女演員👏🏻👏🏻👏🏻👏🏻。

The Golden Globe for Best Supporting Female Actor – Television goes to Elizabeth Debicki for her role in The Crown! Congratulations! 👏 #GoldenGlobes

歡迎來到這間會上錯菜的餐廳(*´∇｀*)😂

 

💫

Cancel mindset got stabbed.

I don’t like the cancel mindset. I don’t think a cancel mindset is helping.

Look! What makes things advanced is always directly confront the issues with good thoughts and sometimes a little bit of humor.

Cowards die many times before their deaths the valiant never taste of death but once. 勇者無懼。

負利率？床下底個曲奇🍪罐…

《負利率與床下底個曲奇🍪罐》

銀行負利率我咪提款收向床下底個曲奇🍪罐，但67，家下佢哋全部數碼貨幣，連呢個Option都冇。

宏觀調控用負利率？宏觀調控唔係應該增加政府開支*？減息係一個方法，但係唔係負利率。減息的目的是希望多啲人借錢參與經濟及資本投資/機，而唔係迫人唔向銀行存款。

呢條橋同為咗迫香港醫生留在公立醫院系統簽死約一樣，真係天才先有的神來之筆**。

*戴返個頭盔，係呀咁樣即係印銀紙，係呀，咁樣會造成通脹，而且係幾得人驚的通貨膨脹，因為銀紙後面並不存在金本位或類似的支持。（嗱港紙好啲，至少有個7.8港元對兌1美元同埋有外匯基金。）

**如果我哋想醫生留響公立醫院呢個系統，唔係negatively reinforce 佢，而係俾個gratuity呀大佬！

アムロ行きます

 

話劇前輩麥秋先生曾經對我說：「舞台劇和電影很不同。舞台劇是你把所有東西一一直接且全部傳遞給觀眾，而電影則是你做完戲但你不知道最終傳遞給觀眾了些什麼，因為電影有鏡頭同剪片。」

我當時「哦哦哦」回應而其實我沒有太多的感覺。好野，依家我躝咗去拍戲，拍電視劇拍電影拍廣告，我終於知道那一種無奈嘅感覺。

這個星期拍了兩個不同的戲，片場多了很多人說我熟口熟面，常常在螢幕見到我。我納悶到極點，冇喎冇喎。

其他人覺得我熟口熟面冇咩問題，但是如果導演副導演PA覺得我熟口熟面，是幾大檸樂。

1）電影安排我走位，企好曬啦Roll機，導演或副導演或PA叫我走開，因為我熟口熟面。😭我係向鏡頭前面行來行去但end up 我一個鏡頭都冇拍喎。

2）捱了一年我終於有得講對白，這是一部電視劇。我18/12為這個演出機會搞到3am仲係到casting。揀咗我啦我都開心，昨天專心背稿又自己同自己做一下角色分析。今日20/12埋位……導演加戲要我做一些幾bold的表情。做完後導演將我嘅對白比咗另一個演員…丫我背左好耐…..😭

唔緊要…我會繼續努力。アムロ行きます💪🏻。

片場二三事

 

點解有人坐向地鐵個地板？

.

.

.

.

.

.

因為呢張係劇照。

做電影的所有人都係痴線既，早出晚歸捱更抵夜體力勞動個腦更加要動。

拍攝現場通常很折磨意志力，例如法庭戲。搭咗個法庭廠景出嚟，為咗畫面靚現場特技組不斷製造煙霧。埋左位roll左機，我突然間想咳，咁我梗係唔可以咳啦，結果忍咳忍得好辛苦。

心中冇火根本捱唔到。.

因為呢張係劇照。

做電影的所有人都係痴線既，早出晚歸捱更抵夜體力勞動個腦更加要動。

拍攝現場通常很折磨意志力，例如法庭戲。搭咗個法庭廠景出嚟，為咗畫面靚現場特技組不斷製造煙霧。埋左位roll左機，我突然間想咳，咁我梗係唔可以咳啦，結果忍咳忍得好辛苦。

心中冇火根本捱唔到。