星期日, 7月 06, 2008

如果有天我們湮沒在人潮之中,庸碌一生,那是因為我們沒有努力要活得豐盛。

星期五,我甫下樓便看見了你和你的車子,我非常快樂,雖然我一上車你便打電話給同事,談甚麼 election right 的問題。

我已經很久沒有這樣瘋了,十一時多你在赤柱說不如回中大走走,我竟然答應了。車子從火炭繞上九肚山,我心裡滿是溫柔。呵我們當時還真年輕。

中大多了許多新建築。月色下,都很美。

Lady Shaw 叫 Lady Shaw,我真的忘記了。散步於用心經營的天台花園,你指著樓下一間間的課室,說起那時考試時份是怎樣的萬人空巷,我才有一點兒依稀的記憶。又原來我連鄭棟才是一座教學樓的名稱也忘記了,所以我才問你鄭棟才教的是哪一科。

你記性原來這麼好,居然記得上回見面,我拎的是一隻紅色長方形手袋。你一向對我好,我知道。我不知道的是你是不是對個個都一樣好。

從逸夫書院到新亞書院,你不停說中大實在是個戀愛的好地方。我便不停後悔當年沒有狠狠的談幾場校園戀愛。當年跟校外人拍拖,還以為自己好型。

你這幾年來事業上的經歷,令我覺得自己畢業了六年,六年都在混吉。不是月薪多少的問題-老實說我實際時薪比好多人高-而是燃燒的問題。我都沒有怎樣燃燒自己,我太懶散,亦未能咬緊牙關去吃苦。我常常高舉存在主義的旗幟,但我未有竭盡全力,實現自己。

「如果有天我們湮沒在人潮之中,庸碌一生,那是因為我們沒有努力要活得豐盛。」黃碧雲如是說。我說的混吉,就是沒有努力要活得豐盛。

19 則留言:

Pik 提到...

讓我簡單的兩字回應. 同意.

Our lives should be burnt for a good reason, but to be blown by random breeze.

火鶴 提到...

> 湮沒在人潮之中, 庸碌一生

我會理解為「有沒有隨波逐流而迭失自我」.

你會醒覺, 無沉醉响自己嘅世界裡, 對世事反思, 我覺得你已經無混吉.

條路點行, 青春點燃燒, 係有好多外來因素去決定. 你都話, 「佢好幸運...」.

唔好比較啦, 如果要比較, 我仲混吉呀.

Yun 提到...

看完眼中有淚水!!

唉!!!!!!

米都話唔搞咯 提到...

我覺得混吉其實有混吉既好,而我亦並不是說燃燒不好,只是,混吉(尤其是你口中既混吉)並不比燃燒低下。

只要你活得開心,便是好,何必與人比較?

我朋友當中,有專心在家湊仔的在羨慕事業有成的女强人;但同時有事業有成的女强人在羨慕友人能在家幸福地相父教子。

正如,你在後悔「當年沒有狠狠的談幾場校園戀愛」,喂,咁夠有人會羨慕你「當年跟校外人拍拖,好型。」啦!

小瓶子 提到...

我都是正在「混吉」的人, 而我觉得这样并无不妥.

Chris 提到...

淺談幾句存在主義。其實那「超人」理論甚為偏激,甚有去人性及違逆自身的意味。
讀讀就好,若照修無誤的話易走火入魔。

Morca 提到...

上回...
好像是聽音樂會...
:P

七十樓危危下望 提到...

長頸鶴:

他有這樣的機遇
說他幸運
因為跟他一樣出色的男子不是個個有同樣的機遇
雖然我覺得跟他一樣出色的男子聊聊可數

最重要既係
我認為機遇只會讓well-prepared, well-equipped 的人乘風而上
其他無好好裝備自己的人,機遇會與他們擦肩
所以一直力求上進的他(你呀,my dearest Sun)
便能抓緊機遇


ck 果篇野
令我又有感而發
能找緊

七十樓危危下望 提到...

小劍:
幾時閤家食飯呀我地諗下都開心鬼咁多人囉

七十樓危危下望 提到...

雲:

七十樓危危下望 提到...

小瓶子:
小姐你果行咁high input 都叫混吉?!

七十樓危危下望 提到...

米爸爸:
咁有咁好
咁樣又有咁樣好

......

對我黎講
向米而成炊時
識得咁諗
係健康既

不過
係展望未來時
咁諗
就唔得喇

七十樓危危下望 提到...

chris:

尼采既超人論係有問題
不過佢d野係可以引發好多思潮
所以都值得睇


祁克果都係存在主義架喎

七十樓危危下望 提到...

morca:
聽音樂會?
無呀

seikomatic 提到...

6+6+5+1+4+6=28

都系果個問題,惦先叫燃燒呢?如果你當年狠狠的談幾場校園戀愛,過去六年你可能一直燃燃自已去哉培4歲既Richard....

青春:有人系中環故紙堆中通頂燃燒,有人系隔離老蘭燃燒,有人系印度非洲無國界燃燒,有人系車房燃燒出個世界首富。

你咁後生,盡情燃燃吧,激情烈火系要有青春先燒得起。過多十年,睇下:【從中國民間方術紫微斗數中的存在主義否定神棍論】,蘇人瘋,麥00既:【瘋生0起:與存在主義對著幹的一天】

俺從小就無志願,除左希望搵多d錢,生活無憂,於是一直將自已交托比神、上帝、佛祖、阿 la,命運,燃燃自已的青春去祭祀諸神。。

湮沒系人群中,傲然立於自已所追求既。

傲然立於人群之上,湮沒在別人的眼光指點中。

怒火眼睛 提到...

>湮沒系人群中,傲然立於自已所追求既。

傲然立於人群之上,湮沒在別人的眼光指點中。

正! 出人頭地呢四個字, 嘿.

火鶴 提到...

我都係覺得,
你响度鑽緊牛角尖.

你行緊條直路,
但羨慕人哋不停咁兜圈,
覺得兜兜轉轉先至係正路.

講真, 佢出色, 經歷咗咁多轉變都依然挺得住, 你先至會羨慕佢.

但如果有人同佢一樣經歷咗咁多轉變, 但最終妻離子散一無所有要靠綜援度日, 你又會唔會羨慕呢?

Well-prepared, Well-equipped,
係準備運滯時自己去尋找機會,
並唔係由機遇去尋找Well-prepared, Well-equipped嘅人.

七十樓危危下望 提到...

知道你關心我....


其實唔係羨慕
一模一樣的路俾我行
我未必想行
因為我不想做金融(做pb亦唔係想做金融,我想做trust)

我講既燃燒、實現自己
唔係向到埋怨自己條路唔好

我以前講過
我覺得自己好好彩
基本上我想點,個天就會將機會俾我(當然我well prepared, well equipped 時我就可以乘風而上)
我好感恩這幾年來的際遇

不過我無儘力燃燒、實現自己
呢個我一向都知道
米爸爸說過的上游思考方法
同我諗的有d似

另外
我一直在鍊精學懶
所以工作一上手
我就樂得享受餘暇
但我應該在工作崗位上不斷追求新挑戰作新的嘗試
比如 (你知我之前做什麼工作架啦)
自己有提案給基金會
就應傾儘全力去做說服的工作
而唔係好似之前咁
覺得係徙氣所以未開始就放棄!
呢d
就係我所講既燃燒、實現自己

為什麼跟這個他見了面之後突然有感而發?
並不是因為他的發展,所以艷羨
而是因為他的燃燒,令我反省

放心啦
我無質疑自己
只係想鞭撻自己要努力活得豐盛
才不枉此生

第一件事
係要早睡早起!

Yun 提到...

七十﹐我完全知道你講緊乜。一齊努力吧。^^

Related Posts Plugin for WordPress, Blogger...