星期一, 1月 22, 2007

女身

杯弓蛇影的我,常常害怕某天洗澡時,摸著摸著,會發現有硬塊。

師兄向我介紹保險產品時,我都是唯唯諾諾,唯獨是那個女性健康保障,我一味點頭和應,說買買買。

不知道各位女性旅人是什麼時候第一次橫臥在醫生的床上做那個任人魚肉的檢查呢?我呢,有點騎厘,是 yr 2 時在學校的保健處進行的。

那年暑假,我要到意大利苦苦地修行三個多星期,又要終日舟車勞動地穿州過省,又要露宿。為了避免麻煩,我決定吃避孕丸來令自己在整個旅程都變得輕省。

如此般,我當然不會上家計會救援,亦不敢胡亂到藥房買藥,便到學校的保健處看校醫要求處方。呃,學校果然是學校,開幾粒藥都要全盤考慮後遺症的可能性,又說避孕丸會刺激腫瘤生長,所以如果胸部有硬塊,就不可以服用。

於是,我便走進隔壁女醫生的房間,平躺下,任她魚肉。當時年少,覺得既尷尬又不自在。房間的窗簾沒有完全閉上,我抗議無效後,只好閉上自己雙眼。(呢個女醫生呢,好似就係口碑好差果個啦。)(講開又講,我真係唔明點解d女醫生係鍾意將d窗簾欲蓋彌彰咁,雖則外面係無人,但都搞到我好唔安樂,大佬,除衫果個係我!向新疆果次,仲勁!)

說回那些避孕丸,我在旅程當中服用後真的有 side effect 。那就是憂鬱。

話說那個旅程,我當時的男朋友也同行。不知恁地,我就是不遂心,覺得他不體貼又粗心,於是便一味扭著他,撒嬌跟脾氣一浪接一浪。他當然給我整得要生要死;我呢,也累得筋疲力竭。

幸好我中學時念過心理學,亦幸好我記性好。我記得 Mr. Bean 說過有些女人終日在家吵吵鬧鬧,又要社工介入又要丈夫上什麼兩性認識課程,其實好廢,因為一句講晒,那些女人是內分泌失調而不自知。由於不自知,所以她們便只有把內分泌失調引發的情緒反應 attribute 去身邊的人及事身上。

當時在意大利非常鬱鬱不歡的我便想:咦,這我吃那影響荷爾蒙的避孕丸,我會否也是內分泌失調呢?最終,我當然不知道自己是否內分泌失調,還是他真的罪該萬死。但由於我決定懶係理智咁把我的憂鬱 attribute 去內分泌失調,所以接下來的旅程,全人類都平平安安。

再說回身體檢查,現在的我(well,我現在是婆婆來的啦)上醫務所去做那些檢查,已經非常能夠處之泰然,一邊被魚肉一邊發問,非常爭取機會,盡用見醫生的每一秒。雖然我母親說:「車,你自己摸都摸到啦如果有事-」但我此等權威崇拜者,還是信任醫生多一點。

我頗著緊這個檢查,但原來身邊的男性朋友都非常不以為然。我跟愛拈花惹草的小丑神說起我今年還未去檢查,得不到關心之餘,還給他吃了一記豆腐。正一衰人大壞蛋。

為何我無端端說這個話題?因為我看了這個 post

又,各位現實中的男性朋友:和我見面時,你們千萬不要主動與我探討這個問題。我會覺得,咁,係性騷擾。當然,話題由我開始又作別論。(係呀,我就係咁架啦。)

Picture: The Bleeding Roses by Dali

12 則留言:

pakman 提到...

Hey....

Thanks for your encouragement...

I shall try to write better just for you hehe.

Anyhow, where in HK are there a building with 70 floors? Central Plaza? IFC 2?

Shuen
PS nice pictures, the bleeding rose By Dali is quite provoking.

6 days 提到...

Dali's paintings always full of imaginative and surreal. Love his art as much as love his critics.

暗黑的卡夫卡 提到...

七十樓老師:

畫好靚,但係個睇完個Post既Context之後就好得人驚!

...年年驗身﹐令你放心...

願你身體健康,身心舒暢,寫多oD故仔啦!

回流楓葉暗黑卡夫卡同學

七十樓危危下望 提到...

Dear 6 days,
I am hopelessly addictive to his printings.
When my thoughts coincide with his drawings, his illustrations will drive my emotion into the deepest part of my heart.
I love him as much as I love his art.
Cheerio!

七十樓危危下望 提到...

好奇的孫柏文:
不如咁丫,
你打電話俾美聯中區分行,
話你諗住向中環開間美資 iBank 代表處,
然後你話風水問題,
你一定要頂樓,
仲要係七十樓......
咁,
就,
嘿!

七十樓危危下望 提到...

乘楓葉回流既暗黑卡夫卡同學:
係呀
女身(生)好恐怖架
所以呢
讀書時,就唔好學人好人細鬼大咁亂搞男女關係啦

渣估 提到...

祝婆婆身體健康!

ak 提到...

婆婆一把年紀都咁關心依樣野,正好可以作為本地女性既表率,提醒佢地唔好畏疾避醫,值得鼓勵!

七十樓危危下望 提到...

兩面老闆:

荷包蛋會給你家的感覺

荷包蛋外面好似熟但咬落你先知原來似熟但其實未熟

你咪又可以享受你鍾意既口感
又可以同時陶醉於果份正野只係屬於你,係你先知有幾正的沾沾自喜

荷包蛋既可以做正餐
亦可以早午晚都食,隨時食
又又
係地球人先識整荷包蛋,火星人唔識
又又又
失落時吃荷包蛋,令你回憶起媽媽的無微不至
荷包蛋,令人重拾生之溫柔

所以
你快鬼d搵荷包蛋啦

七十樓危危下望 提到...

ak:
係丫
之前咪有個女性病既 tv com 搵 d 唔同年紀既女人扮比人追殺既?
下一輯
你會見到我架啦 (當然,我係婆婆界代表啦)

Karen (Sze) 提到...

睇完呢篇文, 又令我想起有位已經離去的阿姨......當時, 差不多六十歳。

有位家庭醫生告訴我: 避孕丸不可亂食, 洗澡以及經期前後都要做checking, 大checking當然找女醫生啦。

不過, 日常起居飲食同樣重要, 至少我知道生冷食物是女性的天敵(尤其是經期前及期間), 因此我已戒了喝冷飲, 少吃生冷食物。

仲有一句係醫生講o既: 身材不可以胡亂地"加建", 會後患無窮。

七十樓危危下望 提到...

Karen:
好耐無見啦
你好嗎?
係呀係呀
要好好睇實自己既身體
我開始老
開始知道身體健康有幾重要啦

講開避孕丸
好心推廣一下男用避孕丸啦
(拿拿拿,我當年食唔係呢個原因呀下)


我覺得避孕丸好煩
又要日日食又要按時按刻


我有朋友向演藝界

每次
我都問她
喂今次表演駛唔駛食呀

又又
避孕丸好煩呢件事可能連矢澤愛都覺得
向 "NANA" 既原裝漫畫入面
就有大崎娜娜麻麻煩煩食避孕丸呢一幕

Related Posts Plugin for WordPress, Blogger...