星期四, 9月 30, 2021

衣服有情衣亦老

 

我賣衫是失敗的。自己著得靚有鬼用,要客都著得靚先得架嘛。(所以我做 styling 會好少少;但大學時我做 styling,那些我設計的造型,卻是令人十分迷惑,人人都有許多意見。)攤攤手。


比如去年聖誕節前入貨的一件粉紅色毛毛大衣,我拆貨時為之驚艷,身不由己地穿上大衣,在店裏行來行去。隔壁美容院老闆娘看見了,捉著我要我把大衣賣給她,「好好好,我給你也訂一件。」



零售嘛,索價十倍。大衣到了,老闆娘穿上,攬鏡自照,扁扁咀說為什麼穿在她自己身上就是沒有味道,怪我騙她。額,我攤攤手,無語。後來她叫我免費做 Hifu,我倒是不敢去。



細細妹年紀到了想買 Chanel 的歲月,問我要不要把我的 Vintage Chanel 賣給她。愈 Vintage 愈講究個人風格和氣質,不然就像拿 A 貨。我 distance 地說:「是時候陶冶性情了。」「但係我鐘意你個黑色漆皮小手袋喎。」我帶細細妹到太子店逛逛,她小聲跟我說。可遇不可求啦,我攤攤手。



「咁係咪所有 Wallets 都可以變成 Wallet on Chain?」打死不離親姐妹,大家都有股愛好研究的精神。我立即權威地說:「梗係唔係啦,WOC is a style,同埋多數只係 One Way。」⋯妹,查實我獲得少少真係好小之 VIP 服務係因為我的眼光,唔係你估因為我買得多咩?



冇喎,成年冇買野啦我,有一櫃子香奈兒其實不是一味開心的事情⋯⋯我又怕啲衫發霉又怕勾線又咁又咁。而且呢,夏天太熱我又不一定坐在辦公室,冬天太冷,啲衫似乎用來恭奉多過穿著。



Accessories 都一樣,真係多一件唔多。夠了就算了。不過花錢我情願花在香奈兒,嗱我真係賣香奈兒來打本做 CoLiving 生意架,幾夠綽頭呢呢一本生意經。



我想我未有耐會再買香奈兒的衣服。香奈兒外套有一種圓肩剪裁,彷若旗袍,深得我心。不過這幾年韓風當道,圓肩剪裁難得一見。而且當衣櫃已有數種顏色的衣服,我真的不想買,我怕夜晚黑媽媽啲衫會洶湧而來撲殺我。



延續 2017 於半島的展覽,很快便會再有品牌活動。細細妹挑了好日子叫我一起去,我便想⋯呃,穿什麼衣服挽什麼手袋呢?一定不會是 Executive Look,我從來也不喜歡穿套裝。七十樓時代我也只是頭幾天扮乖而已,工作上手後靠實力啦哈哈哈哈👈好老土。不過我居然因為阿姐意見而剪短了頭髮,待頭髮再長長了後我便一直是長頭髮。



那件粉紅色毛毛大衣今年翻出來已經不想再穿,聖誕節後我拿去洗衣店本想蒸一蒸,卻給拿去乾洗。乾洗回來是更不想穿。



衣服也會老。



天若有情天亦老。

沒有留言: